Ідеологій много, а Русинам жити по свому треба

В нынішньй час ідеологійов єдности Русі якої уже давно не є, і не буде уже майжинь ниґда, спикулююты у свою пользу кому не лінь, вадячися навязуючи свою самосвідомість котра далека від Давньо Руської(Кийовська Русь) , принижуючи другі народы котрі уже сформувалися як культурно так і у плані самосвідомости і языка . Нетреба забывати што Русь (Кийовська Русь) вто середньовічна держава котра складалася із многх словянськых і не словянськых народів , кить бы не так пішла історія і варягы не учинили нынішню Русь та ныні скорше усього, мы бы віділи може і дисять східно словянськых народів. Русі уже давно ниє айбо каждый щитає сибе май розумный і тягне у свою сторону гойкаючи я типа Руськый май від усьх, такщо падайте ми у коліна туй усі, хотя мені інтересно ко дав право присвоювати опщу історію усьх східных словян? котра была і є обща як для Білорусів так і Українців і Росіян і Карпато-Русинів! На ныні мы позераєме што на тему Руськости учинили цілу ідеологію пуд назвов ,,Русский мир" котра з рока у рік начала зачипляти і наш народ, для них Руснакы лиш часть їхньго народа котрый требе присоєдинити любыми методами, бо они непонятно мені щого узяли що они ґазды у нашій хыжи, замітьте браття Карпато-Русины нико з нас до них у хыжку не лізе, і даже браття наші Білорусы і Українці! Но лиґіні не то самоє страшноє, а вто що немає быти не русина не українця і не білоруса, а лиш русский народ, а русский не бисідує не молится не співат не танцює так гі кой нянько і прадідикы наші. Каждому чиляднику рішати чи быти націонал-патріотом свого того що наша чилядь берегла годами, чи обміняти нашоє на міфічный ,,Русский мир" за котрым крыєся наша погибиль як народа і як нації так і культуры тай языка збереженої дисятками поколінь!