ЧитаютКомментируютВся лента
Это читают
Это комментируют

Новости и события в Закарпатье ! Ужгород окно в Европу !

ПРОГОЛОШІНЯ ДЕЛЕҐАТІВ XIII. СВІТОВОГО КОНҐРЕСУ РУСИНІВ/ РУСНАКІВ/ ЛЕМКІВ

    28 марта 2024 четверг
    Аватар пользователя М.БОБИНЕЦЬ
    XIII CВIТОВЫЙ КОНҐРЕС РУСИНIB/РУСНАКIB/ЛЕМКIB 13. WORLD CONGRESS OF RUSYNS Tel.: 00 36709412149 , e-mail: [email protected] ПРОГОЛОШІНЯ ДЕЛЕҐАТІВ XIII. СВІТОВОГО КОНҐРЕСУ РУСИНІВ/ РУСНАКІВ/ ЛЕМКІВ Делеґаты XIII. Світового конгресу Русинів/ Руснаків/ Лемків в рамках конґресовых активностей, проїднали у дньох 19. - 20. юна 2015 р. у Деві в Румуньску, потвердили і выголосили текст Проголошіня делегатів XIII. Світового конгресу Русинів о жадости узнаня Русинів на Подкарпатї у Україні за окремый корінный народ, днесь окрему народностну меншину у Україні і за вытворіня їх прав слободні вызнаті і ужываті властный русиньскый язык, письмо і право на вызнаня русиньской ідентиты під жрыдловым народным меном Русины у наступных переписох жытельства у Україні. Треба выядриті, же днесь Карпатскы Русины суть вызнаны і хоснують вшыткы свої права у Польску, Ческу, Словеньску, Мадярску, Румунії, Сербії, Хорватску, в країнах у котрых жыють у середні Европі і Северні Америкі, лєм їх права не суть вызнаны на Україні. Зато, од найвышых штатных орґанів Україны, Рады Европы і Парламенту Европской Унії пожадуєме вытворіня прав про Русинів у Закарпатскі области / історична Подкарпатска Русь / у Україні о вызнані і ужывані властного русиньского языка, письма і прав на вызнаня русиньской ідентиты, што выходжать із документів Европской харты о реґіоналных і меншиновых языків, котрых підписником є і держава Україна, алє тоти права із Европской харты про Русинів на Подкарпаті нє вытворює. Русины на Подкарпаті у Україні довжны мати вытворене право на слободне высловліня ся при переписі жытельства, як і право на освіту в своїм материньскім усиньскім языку, право на розвиваня властной културы, право на інформації через друкованы і електроничны медії в русиньскім языку і право на службове - урядове хоснованя языка і письма. Проголошіня делеґатів XIII. Світового конгресу Русинів/ Руснаків/ Лемків о жадости узнаня Русинів у Закарпатскі области у Україні і за вытворёованя їх прав буде послане президентови Україны, до Верховной Рады Україны, Влады Україны, як і до Рады Европы і Парламенту Европской Унії, до котрых ся ріхтує вступиті і Україна. У Деві, 20. юна (06.) 2015. Штефан Лявинец , председа Світовой рады Русинів