Честованный пан Жалива,

Лем што м надіявим ся, ош ничим необоснована манія втяговати Магочі-го до вшиткых русинськых проблемів світа є вон з нашої діскусії, вы, з ничого нич, втягуєте Магочі-го назад до діскусії.

(1) СКР, СРР и Магочі не роблять суди над проблемами, які мавуть русинскі организації меджі себов в єднотливих державах;
(2) Вы, русини, в русинськых организаціях на Пудкарпаттю, кидь йсте русини, так будьте русинами, и не вадьте ся між собов так, як то украйинці роблять. Перестаньте наподобнёвати украйинців, бо украйинці мавуть дуже довгу традіцію "РУЇНИ"!
(3) СРР, а пак пузніше Магочі и Чепа в откритом листі ся диштанцёвали від дакотрых екстремних провозглашеній які ся приписувуть о. Сидорови, бо тоті провозглашенія суть в контрадикції з основним направленніям, задачами и цілями, яку СКР проводить од 1989 року, починаючи з 1-им СКР (Меджілабірці, Чехословакія); Дакулько раз уж вам написав им, что СКР є гражданська организація а не політична;
(4) Не є правда, што СКР, СРР з головуючим президентом паном Магочі не інформувуть Ватикан о проблемах греко-католиків. Докунця Магочі с делегаціёв Американських русинів мав ауденцію и інформовав о сих проблемах амбасадора Ватикану во Вашингтоні, США. Читайте журнал Русин и Народни Новинкы. Не вірю, што Магочі такоє, як аудіенцію у папи Іоанна Павла ІІ-го мог пообіцяти о. Сучови. Каждий інформованный чоловік знає, што аудіенції у папи во Ватикані организувуть високопоставленні арціепископи або кардинали, котрі суть членми Ватиканської держави.
(5) Вы, пан Жалива уже давно йсте мали написати коротку статью, што хочете робити, якоє направління в русинськом двіженії розвинути и што НРРЗ хоче од СРР, и послати до журналу Русин и Народни Новинкы а не туй писати и поносовати ся, ош вам не отвичає СРР. То уже м вам дакулько раз написав;
(6) Вы пан Жалива, маєте звик употребляти силні фрази. Такоє слово як "самозванець" и вы, пан Жалива, мині ани в голову не прийшло.
Кидь вы для НРРЗ йсте добрий и квалификованный на то, убо йсте контактовали СРР з проблемами НРРЗ, так бо йсте ся мали дуже високо квалификовати ай як делегат на СКР в року 2009. Окрем того члени НРРЗ не мавуть игноровати СКР, кидь событие є пуд носом, лем перейти через мост ріки Тиси треба боло до Мармарош Сігету. А нараз туй "кричите", убо Магочі прийшов и сів за стіл переговорів з вами и далшима представителями НРРЗ;
(7) Думаву ош туй треба кончити діскусію, бо типичный хаос Украйини ай вас зачепив, и так раціонально дишкурс робити не мош. Дякуву вам за ваші коментарі. Веселі и счастливі свята Вам желаву, и много счастья, здоровя и успіхів Вам, в новом 2009 року!

Янко

Дуже м радий, што пана Магочі-го уже ножеме вибрати вон з нашій діскусіі, бо вун досправді прямо не є звязанний з тима проблемами о яких туйки говориме. На СКР ся можете достати як делегат за русинув, кідь вас члени русинських організацій на Закарпатскій обл. (Украйини) виберуть за делегата (делегувуть). А кідь вибранні делегати-русини зо Закарпаття вас виберуть за члена СРР, так йсте членом СРР. Як м інформованний, кидь цілком нова русинська-організація є з такої держави, яка немала членство, або стратила членство в СКР а знову ся голосить до СКР а делегує члена до СРР, так повноправним членном з голосовацьим правом ся стає за два роки. Повіджме теоретично, што русини-делегати перший раз участвовали в Мармарош Сігеті на СКР в року 2007 а за члена до СРР вибрали пана Жаливу, так ви бойсте ся мали стати повноправним членом с голосовацьим правом в Керестурі, в року 2009. То зато, убо бола стабільность в СРР а аби бов пробний тест на нового члена.

То вже м писав, што Русинські організаціі суть не про профіт гражданські організаціі, яких цільом є сохранити и розвивати русинську культуру в што майширшім розсягу. И зато треба сохранити и розвивати русинські танці, музику и недільні школи и охороняти русинув, іх фундаментальні права. Русини на основні права людини мавуть так право, як ай українці, росіяни, поляки, словаки итд. Фундаментальні права людини ся охоронявуть мирними способами, так як говорите, а дотипирь, од року 1991 на Україні ай инде, лем мирним путьом пробовали русини а іх організаціі охороняти русинув и іх культуру. Русини не мавуть свої політичні партії а діскусіі ся зачали на туто тему ай на Словакії. Як вам уже м писав напишіть на вашу політичну тему статю и дайте то печатати в журналі Русин (Пряшів, Словакія).

СКР ани СРР ся не ангажує до організаціі політичних партій, бо пак небола бо гражданськов організаційов. Нерозуміву вам, чого употребляєте такі фрази як "...уби была проллята русинська чи чиясь иншака кров." В Європі русини суть наймирнішов наційов а дотипирь іх лідери суть далеко мірніші, як боли Нелсон Мендела (Южна Афріка), Ганді (Індія), Мартін Лутер Кінг (США). Кібо русини боли такі як южні тірольці в Італії, чи баски в Іспанії так газові труби уже давно бо боли вилитіли до воздуху. Тот крик о русинах є гістерія, штучно напумпована українцями-націоналістами.

Я проти Магочія не маву нич ,увін мені путь не переходив.І його заслуги я не хочу унижати , бо він много што зробив.
Лиш думаву ото мало было учинино у нас. Я знаву што платилися русинські недільні школи лише ото не дало нич.
Я за ото убы робилася не лише якась культурна прграмма, ай і політика. Бо без політики мы не учиниме нич.
Ісі 17 годів ото і указали. Но ота політика має робитися у рамках закона ,і без того уби была проллята русинська чи чиясь иншака кров. В НРРЗ прийшли нові люди такі як я які не хочуть сидіти та лиш танцями заниматися.
І для нас СРР має дати якусь допомогу не в грошах , а дись морально пуддержати. А не нинашто не творитися што у нас
робиться.

Що "Сойм" діє без згоди НРРЗ-факт.
І створює паралельні організації НРРЗ теж -факт.
Що НРРЗ треба терміново відмежовуватися від "Сойму" - ото уже великий факт.
Що Гецко пішов на таке , а што йому тіряти - тоже факт.

Нехай залишиться насовісті тих, хто дозволив собі зробити з простого ужгородського мужичка Петі Гецко кловна. Тай Петя чогось не бажає зрозуміти, що його тупо підставляють, роблячи з нього посмішеще.