Сталин - русский № 1 - класно!

почему все высказывания за русинов на русском, а не на руссинском? может русины больше любят русский, а не свой язык?

Продовження
Парадічки утдали мадярам бо тоти не мали з чого робити лечо і бограч, а за тото виміняли в них киптар.Ромунам отдали соняшник - аби мали чим на базарі торгувати. За тото возьмили у Ромунів гачі. Ромам утдали різні золоті брязкальці а за тото позичили в них цвітасті фустки.
Індіанцов отправили жити в гори. Дали їм трохи мелаю з собов, капчури, макасини, топірці, шерстяні покривала аби не змерзли тай дримбу. А без дримби вни ніч не вміют чинити. Як си змучи кажут что задримбалиси, як їх обдурьи - кажут что їх надримбали і як любльиси то тоже без дримби не годни. Як поселилиси індіанци в груньох,
построїли собі шатра-колиби з хащі по типу вігваму тай не знати удки поприводили собі жонів, вчинили повно дітей. Тото діти тоже трохи черлені в лице. Рутени назвали їх Гуцулами. Бо як спали у колибі та дуже там гуцалиси. Тоти гуцули заселили вудтак гори зі сходу і півночі.
Ще перед тим ніж Рутени попливли в Америку в їхнього биріва гостювали якіс Кирило тайі Методій. Їх ніби якийс Папа удправив нести слово господнє Рутенам. А что їм нести слово когди вни виділи Спасителя ще тогди коли Папи не било.Тому уни тих проповідников напоїли палінков так, што тоти зразу забили нашто їх поблагословив Папа і переписалиси в правславні (Московського патріархату).(Історія православной церкві.)
Ви не знаєте што тото таке Москва ?. О тото столиця Московского царства де живут росіяни которі походьи от Рутенов. Коли Рутени вернулиси з Уралу то аби тоти землі не пустували без гуннов спеціяльно – переселили туди трохи Рутенов. Вібирали май дуже нечесних пяниць, што вже тогди били промеж Рутенов.Уни подумали што пяницю мороз не бере ,їсти му не гія тай море му поколіна- тому лиш вони там відержьи.Аби не путати їх з чесними Русинами назвали їх Русскими.
Рутени сотворили всіх словян. Уд них пушли – Левчі(Чехи),Словаки, Болгари,Бойки , Лемки і другі.Всі окромя Українцев которих нігди не било на Землє, може й били але мусили си звати якос инак. Я собі міркую что всі історики которі казал, что Українци тоже Русини робильи тото назло справжнім Рутенам,аби їх принизити. То что бойки тай лемки вчинилиси уд Рутенов є безсумнівно, бо дивідси їм на вбанньи, послухайте їх балачку. Всьо взьили от Рутенов.
Рутени не лиш создали сисі народи але як добрі родителі построїли для них города і замки котрі ще і до нині радуют око Європейців.Бо якби не Рутени- жили би тоти католики в хатах з саману.
Ви не знаєте ко тото такі європейці? Звідайтеси в мене. Декотрі із них пушли ут Чукчов: тото фіни, шведи,датчани,другі. Решта –пушло уд римлян которих Рутени не взьили в полон. Зато уни сироти говоря і пишут Латинов а не то як рутени Кирилицев.
Не привезли тогди давно Рутени лиш африканцев, бо туйки в Карпатах не ростут банани, а тоти фрукти - їх перша їда.Чінцев не везли, бо уни такі хитрі, де шо ввидьи або вчуют зразу собі присвоят і кажут, што тото уни відумали. Аж ганьба їх слухати. Гнати горівку з чого хоч придумали у Діброві , а всі кажут што тото чінци придумали спирт.Але правда, теперічки і їх завозьи тай держут тих різнокольорових на заставах.
Скоро видко будемо і ними заселяти долину над Ужем.

В послідний час нас, простих граждан, просвіщают всякі вчені і не вчені мужі, великі і малі політики, депутати , феномени в рясах і прочі дєятєлі .
Недавно вся держава слухала на „5 каналі”одного Закарпатського дипутата, доктора, великого русина , видко і великого послідовника Геродота (бив такий вуйко што придумав історію).Якшо сесь доктор на такой короткой ноге з Гіпократом, як з Геродотом, то не шкода дати му колупатиси в моїй слабій печінці. У телевізорі ун таке розказав нам про русинов, што мене розперло уд гордости. Так розперло, што і мені захотілоси поникати одним оком в історію і вот што з того получилоси.

ЛЕГЕНДИ ПРО РУТЕНОВ
Когди на світі іще не било ніяких народув окрім Чукчов , Африканов, Жидов , Єгиптянов , Римлянов і Чінців – на той земле што промежду рекі Тиса і гор которі пузже назвут Карпатами жив народ что звавси Рутени (типір Русини). Уни не помнили чого так звутси (може уни всі били русі) – але тепір, чим бульше ми звідуємося про них, тим бульше падаємо ниць перед ними.То великий нарід.
Давно-давно била в Рутенів одна дальна родичка, дочка єгипетського царя. Раз коли уна пушла до ріки Ніл полокати Царські мойтки увиділа в очереті ночви з дитинов. Як увиділа сесю дитину то сразу признала єї і зрікла „Се муй”. Тому тот отрок звавси Муйсей – бо так било легше казати (історія записана із слів одного батюшки із роду Рутенів,что видко сильно знає Святе письмо- авт.)
Тота цариця била хитра і умна як і усі Рутени. Уна воспитала отрока Муйсея.
Когди Муйсей став взрослим, Фараон отпустив его їз жидами з рабства. Муйсей довго водив жидов по пустини, аж сорок літ, і розказував їм всякі байки про землю обітуванну аби лиш не мішали Фараону строіти Єгипеську державу.
Тоти Фараони строїли багато і кождий другий строїв хижу ще бульшу ніж предидущий, як типир у нас у селі Діброва. Але якос так уни тото строїли - без толку. Не було тото файно. Лиш доки раз не посовітувала йому фараониха запросити Рутенов, которі строїли дуже добре бо удколи світ ходили на заробітки. Правда, майстри рутеські дуже дорого просили за свуй труд, а торгуватиси з ними було без толку , ітак не попускали. Коли си вже згодили на роботу то цар лиш 20 годов складав золото аби розплатити си з тими рутенськими майстрами, правда і строїли уни двадцять год.
Як собі замовив цар гробницу май вилику ніж у єго няня то пішли майстри поміряли
тоту ньиньову гробницу яка уна завелика. Аби добре заробити, наговори царя вчинити гробницю у три рази бульшу і взялиси за роботу. Єгитняни робили в підсобниках :довбали скали, носили, тьигали, складали каміньи , а Рутени лиш міряли і чинили облицювання скін внутрі гробниці, наружні роботи. Як обклали тоту гробницю білов вапняковов плитков, по 5 золотих монет за один митер, то не мож було око одвести.
Як закончили свої справи Рутени в Єгипеті взьилиси за римлянув.Так їм тоти римляни надоїли шо аж йой. Римляни збирутси в легіони і ходя через гори туди - суди.То сіль везут, то войнов ідут. Уни своїми кіньми і колесницями стоптали гет усі гори і поля на котрих Рутени садили жито, овес і пасулю. Зібралися рутенські воєводи і вирішили вчинити порядок с тими римлянами. Уни заготовили багато мармуру в Марамороші учинили з него „троянского” коня, погрузили го на вози тай поперли в Рим. Рутени нібички йшли договоритися за нову роботу на стройках в Римі , а коня везли в подарок їхнему імператору. Кінь був дуже файний але й тьижкий, везли го дуже багато людей, декілько тисяч.Римляни на митници їм нич не казали бо тішилися што тото подарок їхнему кесарю. Коли того коня прикачкалали в Рим то імператор з радости таку гостину поклав што гостилиси всі- і прості граждани, і вояки. Три дни пили. Коли нарешті всі змучилиси тай поснули рутенський воєвода Еней своїх воїнів пудоймив. Они вітьигли з черева коня зброю і побили тих пяних римлянов, спалили їхній парламент, і всі їхні пожитки.(записано со слов одного доктора-дипутата которий дуже любит історію авт.)Видко, тогди Рутени взьили в полон третину тих р

a choho zh ce vy pane vsralysja - Я о ниякуй "нації" не говорю! - hiba sco vy naciju lem za marksyzmom-leninizmom rahujte?!