3-й Всезакарпатський Зїзд Русинов

24 октовбра 2009 р.,у Мукачеві, у обласному руському драмтеатрі одбився 3-й Всезакарпатський Зїзд Русинов. Сюда прибыло повирьх 100 делегату із ушытких району области і повирьх 100 гостю із Подкарпатської Руси\Закарпатя\ ,а также із Чи- хії,Мадярщины,Словакії. Были і руководителі ряда обласных національно-культурных обществ. Перед зачатком Зїзда учасники і гості пройшлися центром вариша і возложили вінок до памнятника А.Духновичу, там же выповнили Гімн Подкарпатської Руси. Даз двоє десятку хлопчику і пару старшых людий із націоналістичної «Свободы» перед зачатком Зїзда гойкали штось,што Закарпатя,то українська зимля,а у отвіт учули скандованя булше як 250 делегату і гостю Зїзда –«Мы – русины!», «Се наша зимля!», «Подкарпатська Русь!». Попіарившися коло телекамер хлопчики-свободчики быстро пометали із рук прапоры,штось другоє майже дустали у руки і щезли. Із доповідьов выступив голова НРРЗ Є.Жупан,котрый охарактеризовав роботу русинської асоціації за послідні 2 роки і стан русинського движенія на типирішньый динь.Привітствія Зїзду прислала Н.Карпачова – Уповноваженый Верховної Рады Укра- ины із Прав людины,привітствовали Зїзд заграничні представителі,головы національнокультурных обществ.Роботу Зїзда освіщала українська телевізія,обласна і Виноградувська. Многочислені выступаючі призывали русинські організації і їх лідеру до ліпшої консолідації,давали цінні рекомендації подалшої роботы. Быв выбраный,согласно Устава, новый состав НРРЗ, Президії, Голова НРРЗ,його замісники,секретар.Головов НРРЗ выбраный Є.Жупан,честованым Головов – Ю.Чорі,первым замістительом Л.Філіп, замістителями о.Ст.Сюч і М.Бабидорич, членами Президії-І.Туряниця,В.Біланін,М.Град,С.Ганькович,О.Мошкола,С.Метелешко,І.Палінкаш,Н.Корпош, М.Ярчич,Ю.Соляник,М.Староста, честоваными членами Президії зустали В.Сочка-Боржавин, М.Кеминь і выбраный А.Шепа – патріарх русинського движенія і патріот на- шого края. Головов ревізійної комісії выбраный Й.Лемко, членами – П.Куцкір,В.Турянчик. Секретарьом НРРЗ выбрана М.Ярчич. Зїздом прийнята Резолюція і окрема Ухвала ід Украинськуй Академії Наук относительно введеня окремого кода русинам при будущуй переписі населеня. Послі перерыва одбывся 11-й Фестиваль русинської культуры « Червена ружа».Привітствовали Фестиваль руководителі области і города. Одкрывав Фестиваль мер Мукачева З.Лендєл, активісту русинської культуры награждали Грамотами обласної адміністрації і обласної рады В.Гоблик –замісник головы облдержадміністрації і С.Ревак – начальник одділа національностей. Грамот были удостоєні Л.Філіп,о.Ст.Сюч,М.Алмаші. Делегаты,гості і ушыткі желающі увиділи і учули красні русинські співанки,вірші, русинський фольклор і танці, смішинки і урывок із спектакля – дійсно талантливых русинських виконавцю. Учасники фестиваля были награждені цінными подарками,Грамотами НРРЗ,чичками.Празник удався на славу.