ПОЛОЖЕННЯ ПРО КООРДИНАЦІЙНУ РАДУ РУСИНСЬКИХ ОРГАНІЗАЦІЙ ЗАКАРПАТЯ / ПОДКАРПАТСЬКОЇ РУСИ /

ПОЛОЖЕННЯ ПРО КООРДИНАЦІЙНУ РАДУ РУСИНСЬКИХ ОРГАНІЗАЦІЙ ЗАКАРПАТЯ / ПОДКАРПАТСЬКОЇ РУСИ / 1.Координаційна Рада Русинських організацій Закарпаття /Подкарпатської Руси /- добровольный координуючый орган русинських асоціацій /спілок/, обласных,городських і районных русинських організацій, котрі мавуть свойов цільов одродження русинського народа, розвой його культуры, традицій, віры, обычаю, языка, образовання, історичної памяти, вызнання русинов на державному уровни і права нашого регіона на самоврядну територію, согласно референдума 1.12.1991 р. 2.Координаційна Рада діє у рамках Конституції і Законов Украины, согласно Уставам русинських організацій і є одкрыта у своюй дыяльности. 3.Рышення Координацыйної Рады носять рекомендательный характер для русинських організацій регіона. 4.Русинські організації, што входять у Координаційну Раду, суть самостоятельні у своих діях і не мусять выполняти рекомендації Координаційної Рады, кідь ті рекомендації можуть противорічити Уставам тої вадь иншої русинської організації, авадь позиціям організацій по тым, вадь иншым вопросам. 5.Совмісно выроблені рішення по тактиці і стратегії русинського движенія на Координаційнуй Раді принимавуться консенсусом. При отсутствії консенсуса по важным вопросам русинського одродженя до русинської общественности доводиться позиція большинства і позиція меншинства. Рекомендації большинства у даному случаю не є обовязковыми для меншинства. 6.Послі рішеня консенсусом важных вопросу русинського одродженя організаціями, што входять у Координаційну Раду, організації дале не протидіють выполненю рекомендацій Координаційної Рады. У случаю перегляду даного рішення організаційов, што входить у Координаційну Раду, она просить повторно уточнити вадь перепозирати даякі положеня даного рішеня вадь проінформує про возможность частичного выповнення рішеня. Перепозираня прийнятых совмісных рішень єднов із організацій доводиться до відома Координаційної Рады із указанням причины перепозираного рішення і пути вырішеня проблемного вопроса на протязі не пузніше, як 2 тыжні до вырішеня конкретної рекомендації Координаційної Рады, у вынятковых случаях-не пузніше, як за 3 дны до выконаня рішеня. Послідньоє положеня про выняткові случаї приміняєся, як выключеня из правил, бо часты пересмотры не будуть способствовати довірі єден до другого. 7.Предложеня по совмісно принимаємых документах авадь дійствіях ісходять од руководящих органов організацій, што входять у Координаційну Раду, послі їх обсужденій у своих соотвітствующих організаціях. При необходимости уточненя даяких положень предложеных вопросу може робитися пауза до 2-х тыжню для окончательного согласованя даных положень у соотвітствующих організаціях /ся пауза береся, як выняток из правил/. Положеня для розпозираня на засіданях Координаційної Рады можуть также ісходити од руководства Координаційної Рады, окремых члену русинських організацій, иншых організацій, што не представлені у Координаційнуй Раді, окремых громадян. 8.Русинські Асоціації /Спілки/ організації на засіданнях Координаційної Рады представлені слідуючим образом: Асоціація/Спілка/-5 чол., обласна русинська організація-3чол., городська вадь районна-1чол. Каждый представитель має єден голос при голосовані. 9. Засіданя Координаційної Рады проводяться 1 раз у 2 місяці. Місто проведеня засіданя Координаційної Рады опреділяєся ручным і поточным планом роботы. Внеочередні засіданя можуть проводитися по неотложным і важным вопросам по предложеню руководства Рады авадь по предложеню 1/3 організацій, што входять у Раду. Про внеочередноє засіданя Координаційної Рады і повістку дня сообщаєся організаціям-членам не пузніше, як за 3 дны до засіданя. 10.Веде засіданя голова Координаційної Рады, вадь по його дорученю єден із заміснику головы. 11.Голова Координаційної Рады выбираєся по жребію із числа руководителей русинських Асоціацій /Спілок/, обласных русинських організацій на срок 6 місяцю. Повторно выбраным головов Координаційної Рады од одної і тої русинської організації може быти представитель лем послі поочередного головованя ушытких представленых у Координаційнуй Раді голов Асоціацій /Спілок/ вадь обласных русинських організацій /регістрованых/. 12. Голова Координаційної Рады має 2-х замістителю із иншіх русинських організацій, представленых у Раді, котрі выбиравуться по жребію на срок 6 місяцю. Замістителями головы Координаційної Рады можуть быти головы обласных, городських вадь районных русинських організацій, што входять у Координаційну Раду Русинов. 13.Координаційна Рада выбирає секретаря-діловода сроком на 1 рук. Кандидатуру на секретаря-діловода подавуть організації, представлені у Раді. Функція секретаря-діловода-веденя документації Координаційної Рады, інформування члену Рады про дату і місто проведеня засідань Рады, вопросы, котрі будуть розпозіроватися Координаційнов Радов, дача інформації про рішеня Координаційної Рады. 14.Пузніше прийняті русинські організації у Координаційну Раду Русинов можуть предлагати кандидатуры на голову Рады вадь замістителя лем послі того, як головами вадь замісниками Рады побывали руководителі русинських організацій-основателей Координаційної Рады Русинов. 15.Прийом новых члену у Координаційну Раду осуществляєся на засіданю Координаційної Рады, согласно поданої заявы організаційов. Отказано у прийомі може быти туй русинськуй організації, цілі котрої розходяться із Положеням про Координаційну Раду. При подачі заявки на прийом у Координаційну Раду організація представляє копії Устава організації і регістрації в органах юстиції. 16.Совмісні рішеня Координаційної Рады подготовлювуться выділеными представителями організацій-членов авадь організаціями-ініціаторами тых вадь иншых вопросу. Проекты подавуться не пузніше, як за 10 дну до проведеня засіданя Рады, при внеочередных засіданях по неотложным і важным вопросам-не пузніше, як за 3 дны до засіданя. 17.Прийняті совмісно рішеня на Координаційнуй Раді не можуть односторонньо выправлятися вадь мінятися, стилістичні зміны у документы вносить спеціально уповноважена комісія із числа выбраных на засідані Рады особ. 18.Організації-члены Координаційної Рады Русинов не допускавуть по отношенію єдна до другої фальсифікацій, дезінформацій, провокацій и иншых протизаконных дій, корректно ведуть полеміку у средствах масової інформації і у публічних виступах. Нарушителі сього положеня мавуть біти заслухані у своїх організаціях і по ним приниматься рішеня, про котроє сповіщаєся партнерська сторона і даєся інформація у своих средствах масової інформації. 19.Не допускаєся, так называємоє, “заочноє”участіє у приняті рішень, без візірованя документу руководителями організацій авадь уповноважеными руководством персонами. 20.Представлявуть інтересы Координаційної Рады у органах власти голова Координаційної Рады, авадь, за його дорученям-замістителі. 21.Представительство /членство/ у Координаційнуй Раді Русинов може быти приостановлено тої вадь иншої організації за систематичноє нарушеня даного Положеня, регулярну протидію совмісно принятым рішеням. Перед принятям рішеня про приостановку членства у Координаційнуй Раді організації-нарушителя Координаційна Рада обращаєся ід соотвітствуючуй організації із предупрежденієм і предложенями соблюдати Положеня про Координаційну Раду. У случаї подальшого ігнорованя рекомендацій Координаційної Рады організація-нарушитель позбавляєся права права брати участь у засіданнях Координаційної Рады. За рішеня про приостановку участи організації у роботі Координаційної Рады має проголосувати не менше 2/3 списочного склада організацій, што входять у Координаційну Раду. На засіданя по даному вопросу приглашавуться руководителі соотвітствующої організації-нарушителя. 22.Кожна організація має право вийти з Координаційної Рады після наданя протоколу в Координаційну Раду. 23.Поточна робота Координаційної Рады координуєся руководством Координаційної Рады у соотвітсвії з планами роботы і консультаціями із руководителями організацій, што входять у Координаційну Раду. Даноє Положеня про Координаційну Раду Русинов прийнято на установчому засіданю Русинських організацій-основателю Координаційної Рады Русинов Закарпатя /Подкарпатської Руси/ 14.11.2009 р.у г.Ужгороді,Домі національностей.